Rāmere 25 o Poutū-te-Rangi

 

HE AROTAKE

1. He aha ngā painga o te wiki ki a au?
• 
  
2. He aha ngā āhuatanga KĀORE i pai ki a au?
• 
  
3. He aha ngā mea hei whakapakari, hei whakapai ake mōku mō te wiki e tū mai ana?
• 
  
4. He aha ngā pānga o te Mate Kōwheori ki a au me tōku whānau?
• 
  
5. Me pēwhea e whakapiki i tōku hauora?
• 
  

11/02/2022

Kātahi te wiki ko tēnei! Arā ōna piki, arā anō hoki ōna heke. Heoi anō, i te mutunga iho, kua tau ki te rā whakamutunga o te wiki, kua tau katoa tōku ngākau.

WAIRUA:

• Ko tētehi painga, i whakaako ahau i te karakia e pā ana ki te mahutatanga ake o Marama i te pae rangi, ki te Whānau Huia.
• Ko tētehi kore painga, i ngoikore tōku wairua i waenganui i te wiki, nā te wera o ngā rā.

HINENGARO:

• I āta whakarite ahau i aku mahi ako mō te wiki.
• Nā te wera o ngā rā, he uaua ki te aro, kāore hoki ētehi o aku akoranga i tino hihiko.

WHĀNAU:

• Tino rawe te noho a te Whānau Huia i tēnei tau, he hunga kaha ki te aro me te tutuki i ngā akoranga.
• Arā tonu ētehi o te Whānau Huia, kāore anō kia tino rarau te noho.

TINANA:

• Kei te kaha puta ahau ki te whakapakari tinana, ki te korikori tinana.
• Kāore au i te kaha kai i ngā kai e tika ana kia whāngai i tōku tinana.

NOHO MARAE KI KATIHIKU

 

Uea! Uea!

Uea a Ranginui e tū nei

Uea a Papatūānuku e takoto nei

Uea te wainuku, uea te wairangi

Wātea ki uta, wātea ki tai.

Horahia te au nui, te au roa, te au tapu

O Te Moana-nui-ā-Kiwa e!

Ko Te Moana-nui-ā-Kiwa te kaupapa here matua i tēnei tau. Koinā te kaupapa e paihere ana i te kura i tā mātou noho tahi ki te marae o Katihiku i tērā wiki. I whakatauria te kura ki roto i te whare o Tamatehura e te hau kāinga, e Ngāti Huia. Nō muri mai i te whakatau, i whakawehea te kura ki ngā Ohu me te aro ki ngā kōrero huhua mō te mōteatea a Papa Sean, a E Ara Tainui. I konei, whāngaihia ana ngā kōrero hītori mō te takenga mai o te waka o Tainui, mai i te rākau e tupu ana ki runga i te rua kōiwi o te pēpi Tainui i whānau tahe mai.

Nō muri mai i te kai o te ata ka whakaturia ngā tēneti ki te marae ātea, ka whakaritea ngā wāhi moe ki roto i ngā whare i te marae. Maringanui ana mātou e kaha whiti mai ana ngā hīhī o te rā e pai ai tā mātou whakatū i ngā tēneti.

Ka mutu te kai o te rānui, ka whakaritea ngā kahukau, ka hoatu ki ā mātou tueke, ā, ka taki haere atu mātou te kura ki te ngutu awa o Ōtaki, ki reira pāinaina ana e te rā, rukutia ai ngā wai o Maru ki te awa. Kāore i kō atu kāore i kō mai te noho ki te taha o te awa, he hau mahana e pupuhi mai ana, he mātao te wai, e tangi ana ngā karoro o te takutai.

Te hokinga atu ki te marae, kātahi ka tino rongo ki te roa o te rā. I patua rawatia mātou e te hiamoe me te ngēngē. Maringanui ana ngā teina, ka hoki atu mā runga i ngā waka roa! 

Google Certified Educator - Level 1

GOOGLE CERTIFICATION

Level 1

DFI - Wk #9 - Revision

 DFI - Wk #9

"Revision"

E hoki atu ana ngā mahara ki te tīmatanga o taku hoe, i taku whakatere i te waka DFI ki te moana o Manaiakalani, e tupou ana te māhunga ki ngā kaihautū o te waka i ārahi i ā mātou ngā kaihoe kia ngātahi te hoe ki te ake ake o te ao matihiko! Ahakoa i haukerekeretia te waka e ngā ngaru tupuhi, i ngā ngaru tūātea, ka tapatahi ngā whakaaro ki ngā tini akoranga i whāngai i roto i ngā wiki e iwa kua pahure.

I tīmata te rā ki te kauhau nā Dorothy mō te "ubiquitous". Tē mārama i a au te tikanga o te kupu nei, engari nā wai nā wai ka kitea tōna whakamahinga i te horopaki o te ako, arā, "Life long learning anywhere, anytime, at any pace by anyone. Living local, learning global..."

HE AROTAKE

• NGĀ MEA I WHAI HUA:

• He nui ngā akoranga i mau i a au, ā, i whakahoki atu ki te akomanga ki āku tamariki. He rawe te Google Drawing, Google Slides, te whakapai haere i taku Pātaka Kukara (Google Drive), te whakahaere i taku wāhi īmera mahi tae noa mai ki taku ako me pēwhea te pōhi ki taku rangitaki!

• NGĀ AUHEKETANGA:

• I tūpono au ki ētehi uauatanga i taku haerenga ako matihiko; pēnei i te mau i ngā āhuatanga whakahaere o te Google Slides me te reo tuhi waehere. 
• I te mea kāore au e kaha te whakamahi i ēnei taupānga i te akomanga, i te kāinga rānei, ka whakarerea. Heoi, i mau tonu i a au ētehi mōhiotanga kāre i mau i a au i te tīmatanga o taku ako i ēnei kaupapa huhua.

• TE AHU WHAKAMUA:

• He ara mutunga kore tā tātou e takahia ana, me pēwhea rā hoki e tūtaki i te tatau o te ako? Maringanui ana tā mātou mirumiru i te momo o te pūkenga o Makaore, nāna mātou i ārahi, i ako, i poipoi i roto i ngā tini akoranga i ngā wiki e iwa nei.
• He tangata manawanui, he manawaroa e whakaaro nui ana ki te kaupapa o Manaiakalani me ōna tini hua mō ngā tamariki e noho marara ana i te mata o te whenua.

HE KUPU WHAKAMUTUNGA

Hei whakakapi ake i aku kōrero ki tēnei, ki taku pōhi whakamutunga mō te kaupapa, e rere arorangi ana aku mata ki te pīnakitanga o te maunga taioreore o te hangarau matihiko. He rite tonu ki te maunga e kake ai te tangata i ōna taumata; he akoranga hou, he taumata i piki. Kei pōhēhē ahau kua tae ki tōna tihi, kua mau i a au ngā akoranga hei whakamau māku - e hē! Heoi anō, ko te ara i takahia, i pikitia ai e riro ai ngā hua o te ako, he tīmatanga noa iho tēnei i taku haerere haere i te ao matihiko e noho nei tātou.

Kei ōku hoa ako i tō tātou mirumiru reo Māori, me poho kereru tātou i ā tātou mahi! Nōku te maringanui i whirinaki au ki tētehi rōpū noho pūmau ana ki te reo Māori. Nā koutou au i morimori, i whakakata, i āwhina me kore noa e tau mai he māramatanga ki ngā tini kaupapa i whāngai mai ki a tātou. 

Hoake tātou me tā tātou tohu matihiko ki te anamata, whītikina ā tātou hoe kia wāhi ai ngā wai uriuri o te moana nui.

Kāti au i konei!

DFI - Wk #8 - Computational Thinking

 DFI - WK #8

"Te tuhura i ngā tuhinga waehere"

E tauhou katoa ana ahau ki te reo tuhi waehere. Heoi, kua kite au i ngā hua pai i taku mātakitaki i a Makaore e whakahaere ana, e whakaako ana i ngā akoranga tuhi waehere ki te taha o tōku reanga i te kura ki te kēmu, Minecraft. 

He reo rerekē rawa, ānō nei ko te reo kōrero tonu o te rorohiko. Ka patohia ngā tohutohu hei reo waehere, ā, ka ea ai te mahi e pīrangitia ana.

I noho tahi ki a Makaore ki te waihanga i tētehi tuhinga waehere mā te code.org. Me pēnei taku kōrero, nā wai ka hē ka tino hē rawa atu! I raru hoki taku hono atu ki te ipurangi nā te pōturi rawa o te iarere, nā konā raru ai taku whakaatu i āku mahi ki tōku hoa. Heoi anō, ahakoa te roa o taku noho ki te whakaoti i taku tuhi waehere, i te mutunga iho, i tau ki a au tētehi mōhiotanga hou kāre i a au i te tīmatanga o ngā mahi, ka mātua rā i tēnā!

Anei he hononga ki āku mahi: Dance Party

DFI - Wk #7

 DFI Wk #7

"Devices"

Mā te āta whakaako i ngā tino uaratanga o te tū atamai i te ipurangi e tino haumaru ai te tangata i tāna tuhura i te ipurangi, otirā kia tika ai ngā kōwhiringa a te kaituhura. Mā te aha i te noho ki te wānanga me aku tamariki i te kura i ngā tino uaratanga o te tū atamai i te ipurangi me ōna piki me ōna heke. Koinei i whakaturia ai e ngā kura te Kawa Tiaki, hei tiaki i te ākonga i tāna noho ki te ao matihiko. Koinei hoki te tīmatanga ki te whakamahi i ngā pūrere matihiko, me pūrangiaho te māramatanga o te ākonga me te pouako ki ngā mātāpono, ki ngā tikanga whakahaere kua tuhia ki te Kawa Tiaki, me kore noa e tūpono ki ngā raruraru i te ao matihiko.

E whakaako ana ki ā mātou tamariki kia pai tā rātou waiho i ā rātou tapuwae matihiko mō rātou, ā, mō ngā rā kei te heke tonu mai. Ki konei, me kaha hokihoki ngā pouako ki te wānanga i ngā kōrero o te Kawa Tiaki, kei warewaretia, kei kōtiti ngā ākonga i tā rātou tuhura ki te ao matihiko.

"KARIA TE KARINGA MATIHIKO"

Ngā pātuhi pokatata pukakita

I noho mātou mō tētehi wāhanga nui i te rā nei ki te aro ki ngā pātuhi pokatata mō ngā pukakita me ngā rorohiko āporo. He akoranga nui ēnei māku, otirā kia mātua mōhio ai te pouako ki ēnei huarahi "poto" e pai ai te āwhina atu i ngā tamariki i roto i ngā akomanga. 

Ki te whakaaro ahau ki ngā tamariki kei taku reanga ināianei, hika, ko rātou kē kei te whakaako mai ki a au me pēwhea!

Anei e whai ake tētehi hononga ki ngā mahi nō te rangi nei, Ngā pātuhi pokatata pukakita.

   ĒTEHI TAUIRA MAHI NŌ TE RANGI NEI

Explain Everything - Ingoa:

Explain Everything - Whakaahua:

Explain Everything - īPapa:

Tōku Hoa Piripono

 Tōku Tino Hoa

Ko ________________ te ingoa o tōku tino hoa, o tōku hoa piripono. Kua roa māua e noho ana hei hoa, mai i te wā i tīmata ai māua i te Kōhanga Reo, ā, tae noa mai ki tēnei wā ki te Whānau Huia.

He kaha nō māua ki te noho tahi, kōrero tahi, tākaro tahi, otirā te whakawhanaunga tahi. He wā tōna ka haere mai a _________________ ki tōku whare, ā, ka noho tahi. Ka eke i ō māua paihikara, a, ka paihikara ki tātahi, ki te awa i ngā rā paki. Kātahi ka haere ki te toa whiti tipi, hokona mai he kai mā māua.

Ka kaha tōku hoa ki te whakarongo ki ōku whakaaro me āku kōrero, ā, kāore hoki ia e noho mai ana ki te whakawā i a au. Kei reira ia mōku i ngā wā o te taumaha, i ngā wā o te hari, i ngā wā e pōuri ana tōku ngākau, ka whakapiki ia i tōku wairua. Ki a au nei, koinei te tino pūmanawa o te hoa pūmau - ka tautokona koe ahakoa te aha.

DFI WK #6 - ENABELLING ACCESS SITES

Ko tētehi tino painga o te rangi nei, ko te whai wā ki te whakapaipai, ki te whakarākei i tō mātou ake paetukutuku kura. Ahakoa kei te "āhua mōhio" ahau ki te whakahaere i taku paetukutuku, he pai tonu te whakarongo ki ngā kōrero ā ngā mātanga me tō rātou mōhiotanga ki ngā ara e pai ai tā mātou whakatakoto mahi ki ngā paetukutuku.

I tirohia ētehi atu paetukutuku o ētehi kura o te motu me te arotake i ngā painga, i ngā āhuatanga hei whakapai ake i te noho o ngā mahi ka whakaaturia ki te paetukutuku. Nō muri mai, ka hoki atu ki ā mātou 'mirumiru' ki te matapaki i aua āhuatanga rā.

Muri mai i te wā whakatā, ka tonoa mātou e tō mātou kaiārahi, a Makaore, ki te hoki ki tā mātou ake paetukutuku me te whakapaipai.

DFI - Wk #5 - Collaborate Sites

 DFI - Wk #5 - Collaborate Sites

CONNECTING WITH MANAIAKALANI - VISIBLE

• Ka kitea rānei kāore rānei? Can you see it or not?
• Is it visible to kids, teacher, can whānau access info? How can we learn from our colleagues?
• One sign of success is when the student has the ability to read the teachers mind. I have a few students in my class that can very quickly interpret and foresee my intentions and learning objective for a lesson, to a point where they are finishing off my sentences - SUCCESS!!!
• Visible teaching - no surprises! People have'equity'. 

DEEP DIVE - MULTI MODAL

• Multi modal communication:
• The purpose is delivering a communication directly to another person
• This can be done using multiple modes:
• Smoke signals > pigeon post> letter > airmail > email > telegram > fax > text > snapchat > facebook live streaming, facetime etc 
• All these modes work!
• Some are more efficient.
• Some get the message across in more depth
• Some get the message across more quickly
• The recipient may have preferred modes eg Granny might prefer a letter or Facetime, and refuse Snapchat!

• The concept of multi modal learning is tied to four high priority principles in the Manaiakalani programme - and it is worth taking time to connect with this before we begin creating Sites for learning. These are:

• Engagement

• Empowerment

• Acceleration

• Personalised learning

• The homepage of my Classroom Site needs to be dynamic, accomodate all learners, hook the students straight away with an array of colour, pictures, exciting links that will engage my students straight away.
• My home page needs to look busy that is user friendly and easily accessible to students, teachers and whānau.

INTRODUCTION TO GOOGLE SITES - VICKI

• Tino pai ana ki a au ngā kōrero a Vicki e pā ana ki ngā paetukutuku Kūkara, ahakoa kua waia kē ahau me pēwhea te whakahaere i taku whārangi o te akomanga.
• Ko tētehi akoranga nui, i mua rawa i tō tīmata ki te whakairi mahi ki tō paetukutuku, me āta whakamahere i ngā kōrero ka whakairihia, ka pēwhea hoki te takoto, te whakaatu i aua mahi.
• Me hopu tō whārangi i te kaipānui i tāna taenga tuatahi atu ki tō whārangi, nō reira me miharo, me pīataata, me auaha!

He nui rawa ngā akoranga i te rangi nei, ko te painga atu i whai wā roa mātou ngā pouako ki te waihanga i tō mātou ake paetukutuku mō MATARIKI. Nā te mahi tahi i ea ai te whakatinanatanga o te aronga nui, arā, kia waihangatia tētehi Google Site.

MATARIKI