Tōku Hoa Piripono

 Tōku Tino Hoa

Ko ________________ te ingoa o tōku tino hoa, o tōku hoa piripono. Kua roa māua e noho ana hei hoa, mai i te wā i tīmata ai māua i te Kōhanga Reo, ā, tae noa mai ki tēnei wā ki te Whānau Huia.

He kaha nō māua ki te noho tahi, kōrero tahi, tākaro tahi, otirā te whakawhanaunga tahi. He wā tōna ka haere mai a _________________ ki tōku whare, ā, ka noho tahi. Ka eke i ō māua paihikara, a, ka paihikara ki tātahi, ki te awa i ngā rā paki. Kātahi ka haere ki te toa whiti tipi, hokona mai he kai mā māua.

Ka kaha tōku hoa ki te whakarongo ki ōku whakaaro me āku kōrero, ā, kāore hoki ia e noho mai ana ki te whakawā i a au. Kei reira ia mōku i ngā wā o te taumaha, i ngā wā o te hari, i ngā wā e pōuri ana tōku ngākau, ka whakapiki ia i tōku wairua. Ki a au nei, koinei te tino pūmanawa o te hoa pūmau - ka tautokona koe ahakoa te aha.

Tuhituhi Māhorahora 19-08-20

 NGĀ MAHI O TE RĀ

Kātahi te rangi whakahirahira ko tēnei! He rangi whakahirahira i te mea e whakaahuangia ana te kura katoa me ō mātou whānau.

I te taenga mai ki te kura i te ata, ka karakia tō mātou akomanga, ā, ka rere ngā pānui me ngā whakamārama a Matua Whatu. Ka whakamārama a Matua Whatu i te wātaka o ngā reanga ka whakaahuangia.

He tikanga tā te kaitango whakaahua kia whakarārangi ngā tāngata katoa o te akomanga e ai ki tō mātu tāroa. Ka tata ki te wā kia haere atu ki Te Pikinga Poutama, ka whakarārangi a Matua i a mātou kia tū mai, ā, ka raupapa haere i a mātou anō. Kātahi ka tae mai tētehi karere kia haere atu ki te Wharekura kia whakaahuangia.

Te taenga atu ki te tomonga o Te Pikinga Poutama, ka tohua mātou e te kaitango whakaahua kia whakarārangi anō i a mātou anō, kātahi ka tonoa mātou ki ō mātou wāhi noho kia rite ki te whakaahua.

Ka miharo ahau ki ngā taputapu, ki ngā rama, ki ngā taonga a ngā kaitango whakaahua, inā hoki te nui! 

Ka whakanoho i a mātou kia noho ki ngā wāhi. He hātakēhi ngā tohutohu a te tangata rā, otirā he ngāwari rawa te reo kōrero ki a mātou. Ka rite te tū, ka tohua ia kia titiro whakamua te katoa ki a ia e mau ana i te kāmera, ā, ka kōrero mai, "Titiro mai". Mea rawa ake, ka rarapa ngā rama, ka kapohia tō mātou whakaahua.

Nō muri mai i te whakaahua o te akomanga, ka noho takitahi ki te whakaahua i ngā mea takitahi. Ā, muri iho mai ko ngā whakaahua whānau.

He rawe ngā whakaahua, ā, e hīkaka ana te ngākau kia kitea te hua o ngā mahi a te mutunga o tēnei wāhanga a te wā ka tae mai ngā whakaahua.

KO WAI AU